Qısqanclıq iddiası ilə başlayan münaqişə faciə ilə bitdi: Avtomobillə həmyerlisinin üzərindən dəfələrlə keçdi
Elpress.az-ın Qafqazinfo.az-a istinadən verdiyi məlumata əsasən, Bakının Qaradağ rayonunda ölümlə nəticələnən ağır hadisə baş verib. İlkin məlumata görə, Qobustan qəsəbə sakini, 1981-ci il təvəllüdlü Asif Nağıyev idarə etdiyi BMW markalı avtomobillə həmyerlisi, 1983-cü il təvəllüdlü Azər Şahmuradovu vurub.Bildirilir ki, ilkin toqquşmadan sonra sürücü avtomobili yenidən zərərçəkənin üzərinə sürərək onun üzərindən bir neçə dəfə keçib. Nəticədə Azər Şahmuradov aldığı ağır xəsarətlərdən hadisə yerində həyatını itirib.Hadisə şahidlərinin və mərhumun yaxınlarının iddiasına görə, tərəflər arasında uzun müddətdir şəxsi ədavət mövcud olub. Onların sözlərinə əsasən, münaqişənin qısqanclıq zəminində yarandığı iddia edilir. Lakin bu məlumat rəsmi qurumlar tərəfindən hələlik təsdiqlənməyib.Baş verən hadisənin anbaan qeydə alındığı görüntülərin olduğu bildirilsə də, onların həssas məzmun daşıdığı nəzərə alınaraq ictimaiyyətə təqdim edilmədiyi qeyd olunur.Faktla bağlı hüquq-mühafizə orqanları tərəfindən cinayət işi üzrə araşdırma aparılır. Hadisənin bütün səbəbləri və təfərrüatları istintaq çərçivəsində müəyyən ediləcək.
