Azərbaycan futbolunun tanınmış simalarından Qurban Qurbanov “Canlı əfsanələr” layihəsinin 2026-cı il kolleksiyasının əsas qəhrəmanı seçilib.
Elpress.az xəbər verir ki, Radius tərəfindən həyata keçirilən layihənin builki kolleksiyası Qurban Qurbanovun Azərbaycan futboluna verdiyi töhfələrə həsr olunub. Layihə “Qarabağ” Futbol Klubunun dəstəyi ilə reallaşdırılır.
Kolleksiya üçün Qurban Qurbanovun imzasını əks etdirən xüsusi dizaynlı futbol topu hazırlanıb. Məhdud sayda istehsal olunan topların noyabrın sonunadək Radius tərəfindən müştərilərə təqdim ediləcəyi bildirilib.
Layihənin əsas məqsədi Azərbaycan futbolunun tarixində iz qoymuş şəxslərin fəaliyyətini və onların qazandırdığı dəyərləri yaşatmaqdır. Qurban Qurbanov isə “Canlı əfsanələr” layihəsinin 2026-cı il kolleksiyasında təqdim olunan ilk şəxsdir.
Radius layihəni növbəti illərdə də ölkənin tarixində və cəmiyyətində xüsusi yeri olan digər tanınmış şəxsiyyətlərə həsr olunan kolleksiyalarla davam etdirməyi planlaşdırır.
