Bakının Xəzər rayonunun Binə qəsəbəsində 24 yaşlı qadının qətlə yetirilməsi ilə nəticələnən ağır cinayət hadisəsi baş verib.
Elpress.az xəbər verir ki, hadisə oktyabrın 6-da axşam saatlarında qəsəbədəki kafelərdən birinin yaxınlığında yerləşən dayanacaqda baş verib.
İlkin məlumata görə, 2002-ci il təvəllüdlü Fatimə Rəhmanzadə həmin ərazidə olarkən 1986-cı il təvəllüdlü Müseyib Əhmədovla qarşılaşıb. Onların arasında yaranan mübahisə zamanı Əhmədovun qadına bıçaqla bir neçə zərbə endirdiyi bildirilir.Ağır xəsarət alan 24 yaşlı qadın xəstəxanaya çatdırılıb. Lakin onun həyatını xilas etmək mümkün olmayıb.
Hadisəni törətməkdə şübhəli bilinən şəxs polis əməkdaşları tərəfindən saxlanılıb və istintaqa cəlb edilib. Məlumata görə, tərəflər arasında bundan əvvəl də mübahisə yaşanıb.
Faktla bağlı araşdırma aparılır. Hadisənin motivi və cinayətin digər detalları istintaq çərçivəsində müəyyənləşdirilir
