“Oğlum saatlarla danışa bilmədi” – Liftdə zorakılığa məruz qalan azyaşlının anası yaşadıqlarını açıqladı
Elpress.az-ın Milli.az-a istinadən verdiyi məlumata əsasən, Bakının Nərimanov rayonunda liftdə autizmli azyaşlıya qarşı törədildiyi bildirilən fiziki zorakılıq hadisəsi ilə bağlı yeni detallar məlum olub. İctimaiyyətin böyük narahatlığına səbəb olan hadisədən sonra azyaşlının anası Fidan Abdulla baş verənlərlə bağlı açıqlama verib.Ana bildirib ki, hadisədən sonra 11 yaşlı övladı güclü psixoloji sarsıntı keçirib və bir neçə saat danışa bilməyib. Onun sözlərinə görə, uşaq yalnız bir müddət sonra liftdə naməlum şəxsin ona hücum etdiyini söyləyib.Fidan Abdulla qeyd edib ki, əvvəlcə övladını vuran şəxsin başqa bir uşaq olduğunu düşünüb. Lakin ertəsi gün yaşayış binasının müşahidə kameralarının görüntülərinə baxarkən hadisəni törədən şəxsin 29 yaşlı kişi olduğunu müəyyən edib.O bildirib ki, bundan dərhal sonra hüquq-mühafizə orqanlarına müraciət edib. Ananın sözlərinə görə, polis qısa müddət ərzində həmin şəxsi saxlayıb. Bildirilib ki, o, sonradan ixtisaslaşmış tibb müəssisəsinə yerləşdirilib.”Hadisə günü öyrəndim ki, bizim belə bir qonşumuz var”, – deyə Fidan Abdulla bildirib.Hazırda faktla bağlı aidiyyəti qurumlar tərəfindən araşdırma davam etdirilir. Hadisənin bütün halları hüquqi qiymət verilməsi məqsədilə araşdırılır.
