Aysel Əlibəyli
06 Oktyabr 2026 · 11:35
1036 baxış
Nazirlər Kabineti nəqliyyat vasitələrinin mühafizə olunan duracaqlara gətirilməsi və saxlanılması ilə bağlı qaydada dəyişiklik edib.
Elpress.az xəbər verir ki, Baş nazir Əli Əsədov bununla bağlı yeni qərar imzalayıb.
Dəyişikliyə əsasən, Daxili İşlər Nazirliyinin balansında olan mühafizə olunan duracaqlara nəqliyyat vasitələrinin gətirilməsi və burada saxlanılması üçün tutulacaq ödənişlərin məbləği İqtisadiyyat və Maliyyə nazirliklərinin rəyi nəzərə alınmaqla təsdiqlənəcək.
Qərarla Nazirlər Kabinetinin 6 aprel 1999-cu il tarixli qərarı ilə təsdiq edilmiş “Nəqliyyat vasitələrinin duracaqları və qarajları haqqında nümunəvi Əsasnamə”yə müvafiq dəyişiklik edilib.
