Aysel Əlibəyli
06 Oktyabr 2026 · 23:42
1016 baxış
Bakının bir neçə rayonunda və Abşeronun ayrı-ayrı yaşayış məntəqələrində içməli suyun verilməsində müvəqqəti fasilə yaranacaq.
Elpress.az xəbər verir ki, buna səbəb magistral su kəmərində aparılan təmir-bərpa işləridir.
Müvəqqəti məhdudiyyət Binəqədi, Sabunçu, Xəzər, Suraxanı və Pirallahı rayonlarının, həmçinin Abşeron rayonunun bəzi ərazilərini əhatə edəcək.
Məlumata görə, görülən işlərin yekunlaşdırılmasından sonra içməli suyun verilişinin oktyabrın 7-də səhər saatlarınadək bərpa edilməsi nəzərdə tutulur.
Aidiyyəti qurum yaranmış müvəqqəti narahatlığa görə abonentlərdən üzr istəyib.
