Bakının Xətai, Sabunçu və Suraxanı rayonlarının bəzi ərazilərində qazın verilişində müvəqqəti fasilə yaranacaq.
Elpress.az xəbər verir ki, payız-qış mövsümünə hazırlıq, aşkar edilmiş qaz sızmasının aradan qaldırılması və təmir-quraşdırma işləri ilə əlaqədar avqustun 31-də saat 10:00-dan işlər yekunlaşanadək bir sıra ərazilərin qaz təchizatında fasilə yaranacaq.
Məhdudiyyət Xətai rayonunda R. Quliyev, İ. Əbilov, Sadıqcan, Zığ yolu və Cavanşir küçələrini, həmçinin Kombinat ərazisini əhatə edəcək.
Sabunçu rayonunda Ə. Dadaşov, Y. Saratov, M. Kalinin, Ş. Rustaveli, M. İbrahimov küçələri və Balaxanı qəsəbəsində Fazenda küçəsində qaz təchizatında fasilə olacaq.
Suraxanı rayonunun Zığ qəsəbəsində isə H. Allahverdiyev, Xanlar, N. Gəncəvi, İ. Süleymanov, R. Göyüşov, S. Həmidov küçələri və Zığ şosesinin bir hissəsində qazın verilişi müvəqqəti dayandırılacaq.
Sabah 3 rayonda qaz təchizatında fasilə olacaq
Aysel Əlibəyli
30 Avqust 2026 · 19:35
1004 baxış
