Bakıda 14 yaşlı qızın şəxsi görüntülərini sosial şəbəkə vasitəsilə yayan şəxsə hökm oxunub.
Elpress.az Qafqazinfo-ya istinadən xəbər verir ki, Maştağa qəsəbə sakini, 2000-ci il təvəllüdlü Saleh Məmmədov (ad və soyad şərtidir) barəsində Cinayət Məcəlləsinin 171-1-ci maddəsi ilə cinayət işi başlanıb.
Araşdırma zamanı müəyyən edilib ki, Saleh Məmmədov sosial şəbəkədə tanış olduğu 14 yaşlı qızın şəxsi görüntülərini əldə edərək saxlayıb. Daha sonra qızın ailə üzvlərinin əlaqə nömrələrini əldə edib və tərəflər arasında münasibətlər pozulduqdan sonra həmin görüntüləri onun anasına və digər qohumlarına göndərib.
Cinayət işinin materialları Bakı Ağır Cinayətlər Məhkəməsinə göndərilib. Məhkəmənin hökmü ilə Saleh Məmmədov 5 il müddətinə azadlıqdan məhrum edilib.
Qeyd olunur ki, oktyabrın 1-də keçirilən məhkəmə iclasında onun barəsində həbs qərarı icra olunub.
