Elpress.az xəbər verir ki, Zaqatala rayonunda baş verən yol-nəqliyyat hadisəsi nəticəsində 4 nəfər müxtəlif dərəcəli bədən xəsarətləri alıb.
Qəza axşam saatlarında rayonun Yuxarı Tala kəndi ərazisində qeydə alınıb. İlkin məlumata əsasən, “KIA” və “VAZ-2106” markalı minik avtomobillərinin toqquşması nəticəsində hər iki nəqliyyat vasitəsində olan şəxslərdən 4-ü xəsarət alıb.
Məlumata görə, yaralılardan biri Bakı şəhər sakini, digər üç nəfər isə Zaqatala rayonunun sakinləridir. Onlar təcili tibbi yardım briqadalarının köməyi ilə Zaqatala Rayon Mərkəzi Xəstəxanasına çatdırılıblar.
Hazırda xəsarət alanlara tibbi yardım göstərilir, onların şəxsiyyətlərinin dəqiqləşdirilməsi istiqamətində iş aparılır.Hadisənin başvermə səbəbləri araşdırılır. Faktla bağlı Zaqatala Rayon Polis Şöbəsində araşdırma davam etdirilir.
