Aysel Əlibəyli
05 İyul 2026 · 19:40
1100 baxış
Şəmkirdə iki minik avtomobilinin toqquşması ilə nəticələnən ağır yol-nəqliyyat hadisəsi baş verib. Qəza zamanı ölən və yaralanan var.
Şəmkirdə ölümlə nəticələnən ağır yol-nəqliyyat hadisəsi qeydə alınıb. Qəza Bakı–Qazax magistral yolunun rayon ərazisindən keçən hissəsində baş verib.Məlumata görə, hərəkətdə olan “VAZ-2106” və “Hyundai” markalı minik avtomobilləri toqquşub. Güclü zərbə nəticəsində “VAZ-2106”nın sürücüsü hadisə yerində həyatını itirib.Qəza zamanı daha bir nəfər müxtəlif dərəcəli bədən xəsarətləri alaraq xəstəxanaya çatdırılıb. Yaralının vəziyyəti ilə bağlı əlavə məlumat açıqlanmayıb.Hadisə yerinə polis əməkdaşları cəlb olunub. Qəzanın başvermə səbəblərinin müəyyənləşdirilməsi istiqamətində araşdırma aparılır.
