Aysel Əlibəyli
04 İyul 2026 · 19:40
8 baxış
Lənkəranda yeni Ələt–Astara magistralının şəhər ərazisindən keçən hissəsində genişmiqyaslı yanğın qeydə alınıb.
Elpress.az xəbər verir ki, ilkin məlumata əsasən, yol kənarında yerləşən açıq ərazidə quru ot örtüyünün alışması nəticəsində başlayan yanğın güclü küləyin təsiri ilə qısa vaxt ərzində böyük sahəyə yayılıb.
Alovun magistral boyunca irəlilədiyi, quru bitki örtüyünün isə yanğının genişlənməsini sürətləndirdiyi bildirilir. Mövcud hava şəraiti səbəbindən alovun yolun əks istiqamətinə keçməsi riski də istisna olunmur.
Hadisə ilə bağlı aidiyyəti qurumların müdaxiləsi davam edir. Yanğının səbəbləri və vəziyyətlə bağlı əlavə məlumatın veriləcəyi gözlənilir.
