Bakının Dənizkənarı Milli Parkı ərazisində gənc qız və oğlana qarşı zorakılıq törədən şəxs məhkəmə qərarı ilə həbs edilib.
ELPRESS.az milli.az-a istinadən xəbər verir ki, Səbail Rayon Məhkəməsində xuliqanlıqda ittiham olunan Şamxal Nəcəfovun həbs edilməsi məsələsinə baxılıb. Məhkəmə istintaq orqanının vəsatətini təmin edərək onun barəsində həbs qətimkan tədbiri seçib.Hadisənin görüntüləri əvvəlcə sosial şəbəkələrdə geniş yayılmışdı. Həmin kadrlar 47 yaşlı şəxsin bulvarda video çəkən gənc xanıma yaxınlaşaraq ona qarşı qeyri-etik davranış nümayiş etdirdiyini göstərirdi. Baş verənlər ətrafda olan insanların da diqqətini çəkib.Gənc qadın sonradan videomüraciətlə ictimaiyyətə şikayət edib. Şübhəli polis tərəfindən saxlanılarkən üzərindən üç ədəd kəsici-deşici alet aşkarlanıb. Hazırda onun barəsində qanunvericiliyin tələblərinə uyğun tədbirlər həyata keçirilir.
