İyulun 6-da Bakıda və Abşeron yarımadasında əsasən yağmursuz hava şəraiti müşahidə olunacaq, havanın temperaturu isə 34 dərəcəyədək yüksələcək.
Elpress.az xəbər verir ki, İyulun 6-da Bakıda və Abşeron yarımadasında hava şəraitinin dəyişkən buludlu, arabir buludlu olacağı və əsasən yağmursuz keçəcəyi gözlənilir. Mülayim şimal-qərb küləyi əsəcək.Sinoptiklərin məlumatına görə, paytaxt və Abşeron yarımadasında havanın temperaturu gecə saatlarında 20-23, gündüz isə 29-34 dərəcə isti təşkil edəcək. Atmosfer təzyiqi 758 millimetr civə sütunu, nisbi rütubət isə gecə 70-75, gündüz 55-65 faiz olacaq.Ölkənin rayonlarında isə hava şəraitinin bəzi yerlərdə arabir yağıntılı keçəcəyi proqnozlaşdırılır. Ayrı-ayrı ərazilərdə leysan xarakterli intensiv yağış yağacağı, şimşək çaxacağı və dolu düşəcəyi ehtimal edilir. Gecə və səhər saatlarında bəzi dağlıq rayonlarda duman müşahidə olunacaq. Mülayim şərq küləyi əsəcək.Rayonlarda havanın temperaturunun gecə 20-24, gündüz 30-35 dərəcə isti olacağı gözlənilir. Dağlıq ərazilərdə isə gecə 11-16, gündüz 18-23, bəzi yerlərdə isə 25-28 dərəcə isti proqnozlaşdırılır.
