Elpress.az xəbər verir ki, iyunun 21-i saat 12:24-də Azərbaycanda astronomik yay fəsli başlayıb.
Bakı Dövlət Universitetinin Astrofizika kafedrasının məlumatına görə, bu tarixdə Şimal yarımkürəsində yay, Cənub yarımkürəsində isə qış fəsli başlayır.Yay günəş duruşu zamanı Yerin fırlanma oxu ilə Günəşin istiqaməti arasında ən kiçik bucaq yaranır və Günəş səmada ilin ən yüksək nöqtəsinə çatır. Bu gün Bakıda Günəş üfüqdən maksimum 73,1 dərəcə hündürlükdə müşahidə olunur.İyunun 21-i həm də ilin ən uzun gündüzü və ən qısa gecəsi kimi qeydə alınır. Bu gün gündüzün uzunluğu 15 saat 3 dəqiqə 24 saniyə, gecənin müddəti isə 8 saat 56 dəqiqə 36 saniyə təşkil edir.Mütəxəssislərin hesablamalarına əsasən, bu il yay fəsli 93 gün 15 saat 40 dəqiqə 42 saniyə davam edəcək.
