“Sea Breeze” kurort kompleksi yeni və böyük bir layihə ilə genişlənir. Kompleksin ərazisində 50 min tamaşaçı tutumuna malik “Dream Arena” adlı konsert məkanının inşa edilməsi nəzərdə tutulur.
Elpress.az Azərtac-a istinadən verdiyi məlumata görə, “Sea Breeze”in təsisçisi Emin Ağalarov bu planı “Dream Fest” festivalına həsr edilmiş brifinqdə açıqlayıb.Ağalarov bildirib ki, yeni arena beynəlxalq musiqi tədbirlərini keyfiyyətcə yeni səviyyəyə daşıyacaq və dünya şöhrətli ifaçıların konsertlərinin müntəzəm olaraq burada keçirilməsinə şərait yaradacaq. Hazırda “Dream Fest” festivalının məkanı təxminən 10 min nəfərlik tutuma malikdir. Yeni arenaya keçidlə isə bu rəqəm 5 dəfə artacaq, tədbirlərin formatı da əhəmiyyətli dərəcədə genişlənəcək.”Dream Fest” gələcəkdə hazırda tikinti və planlaşdırma mərhələsində olan yeni meydançaya köçürüləcək.
