Ermənistanda müxalifət lideri həbs olundu: Məhkəmə Tsarukyan barədə qərar çıxardı
Elpress.az məlumat verir ki, Ermənistanda müxalif “Çiçəklənən Ermənistan” Partiyasının sədri Qaqik Tsarukyan barəsində məhkəmə tərəfindən iki aylıq həbs qətimkan tədbiri seçilib. Bu barədə Ermənistanın İstintaq Komitəsi rəsmi məlumat yayıb.Məlumata əsasən, Tsarukyan dələduzluq və cinayət yolu ilə əldə edilmiş vəsaitlərin leqallaşdırılması (çirkli pulların yuyulması) maddələri üzrə təqsirləndirilir. İstintaq orqanlarının bildirdiyinə görə, cinayət işi çərçivəsində onun barəsində irəli sürülən ittihamlarla bağlı araşdırmalar davam etdirilir.Xatırladaq ki, bir neçə gün əvvəl hüquq-mühafizə orqanlarının əməkdaşları Qaqik Tsarukyanın yaşadığı ünvanda axtarış aparmışdı. Həmin əməliyyatdan sonra onun barəsində məhkəməyə həbs qətimkan tədbirinin seçilməsi ilə bağlı təqdimat göndərilmişdi.Məhkəmənin qərarına əsasən, Qaqik Tsarukyan istintaq müddətində iki ay həbsdə saxlanılacaq. Cinayət işi üzrə araşdırmalar davam edir.
