Livanın Hizbullah təşkilatı İsraillə hərbi qarşıdurmanın yenidən başlaya biləcəyi ehtimalına qarşı son üç ay ərzində hazırlıq işləri aparıb.
Elpress.az xəbər verir ki, bu barədə “Reuters” agentliyi Livan təhlükəsizlik qurumlarında təşkilatın fəaliyyəti ilə bağlı məlumatlı mənbələrə istinadən məlumat yayıb.
Mənbələrin bildirdiyinə görə, Hizbullah hərbi imkanlarını gücləndirmək məqsədilə İrandan on milyonlarla dollar vəsait əldə edib. Məlumatda vəsaitin təşkilatın mümkün yeni qarşıdurmaya hazırlığı çərçivəsində istifadə oluna biləcəyi qeyd edilir.
Agentlik yazır ki, bu məbləğ oktyabrın əvvəlində mediada yayılan və İranın Hizbullaha Livan ailələrinə yardım üçün 200 milyon dollar ödədiyi iddiası ilə bağlı məlumatlardan ayrıdır.
Məlumatla bağlı qeyd edək ki, sözügedən maliyyə vəsaitinin məbləği və təyinatı barədə məlumatlar Reuters-in istinad etdiyi mənbələrə əsaslanır.
