Azərbaycan Prezidenti İlham Əliyev Avstriya Respublikasının Prezidenti Aleksander Van der Belleni ölkəsinin milli bayramı münasibətilə təbrik edib.
Elpress.az xəbər verir ki, dövlət başçısı təbrik məktubunda Avstriya Prezidentinə və ölkə xalqına öz adından və Azərbaycan xalqı adından ən səmimi arzularını çatdırıb.
İlham Əliyev məktubunda Azərbaycan ilə Avstriya arasında münasibətlərin qarşılıqlı hörmət əsasında inkişaf etməsindən məmnunluğunu ifadə edib. O, iki ölkə arasında dostluq əlaqələrinin bundan sonra da möhkəmlənəcəyinə və birgə səylər nəticəsində qarşılıqlı faydalı əməkdaşlığın genişlənəcəyinə inamını bildirib.
Prezident təbrikinin sonunda Aleksander Van der Bellene möhkəm cansağlığı və xoşbəxtlik, Avstriya xalqına isə əmin-amanlıq və rifah arzulayıb.
