Rusiya qüvvələrinin Ukraynaya gecə saatlarında həyata keçirdiyi zərbələr nəticəsində Zaporojye və Xarkov şəhərlərində ölənlər var.
Elpress.az xəbər verir ki, Zaporojye vilayət administrasiyasının rəhbəri İvan Fedorovun sözlərinə görə, PUA hücumu zamanı qeyri-yaşayış binalarında yanğın baş verib. Daha sonra şəhərə idarəolunan aviasiya bombası ilə zərbə endirilib. Nəticədə iki nəfərin öldüyü bildirilib.Xarkov meri İqor Terexov isə şəhərin Osnovyanski rayonundakı sənaye zonasının raket atəşinə tutulduğunu açıqlayıb. Hücum nəticəsində bir nəfərin həyatını itirdiyi qeyd olunub.Bundan əvvəl Çerniqov şəhərinin mərkəzində yaşayış binasına PUA ilə zərbə endirilib.
Hadisə nəticəsində 14 nəfər xəsarət alıb. Yaralananlar arasında 12 və 17 yaşlı iki uşağın da olduğu bildirilib.
