ABŞ nümayəndələrinin sentyabrın 5-6-da Rusiya və Ukraynaya səfəri gözlənilir
Elpress.az xəbər verir ki, ABŞ prezidentinin xüsusi nümayəndəsi Stiv Uitkoff və Donald Trampın kürəkəni Cared Kuşnerin sentyabrın 5-6-da Moskva və Kiyevə səfər etməsi planlaşdırılır.Məlumata görə, nümayəndələr səfər çərçivəsində əvvəlcə Moskvaya, daha sonra isə Kiyevə gedəcəklər. Ukrayna Prezidenti Volodimir Zelenski də ABŞ nümayəndələri ilə görüşlərin keçirilməsi üçün hazırlıq işlərinin aparıldığını və tərəflərin ilkin tarixləri razılaşdırdığını bildirib.
Səfərlərin Rusiya-Ukrayna müharibəsinin dayandırılması istiqamətində diplomatik təmasların davam etdirilməsi çərçivəsində həyata keçirilməsi gözlənilir. Uitkoff və Kuşnerin hər iki paytaxtda danışıqlar aparması nəzərdə tutulur.
