Aysel Əlibəyli
26 Oktyabr 2026 · 21:44
1020 baxış
Rusiya ordusunun Ukraynanın Xarkov şəhərinə endirdiyi raket zərbəsi nəticəsində iki nəfər həlak olub, daha dörd nəfər yaralanıb.
Elpress.az xəbər verir ki, bu barədə şəhərin meri İqor Terexov “Telegram” kanalında məlumat yayıb. Onun sözlərinə görə, zərbə şəhərin Novobavarski rayonuna endirilib.
Xarkov Vilayət Hərbi Administrasiyasının rəhbəri Oleq Sinequbov hücum nəticəsində yaralananlar arasında 17 yaşlı qızın da olduğunu bildirib.
Zərbə nəticəsində ərazidə avtomobillərdə yanğın baş verib, 10 qaraja ziyan dəyib. Bundan başqa, çoxmənzilli və fərdi yaşayış evlərinin, eləcə də avtomobillərin zədələndiyi bildirilir.
Hadisə yerinə fövqəladə xidmətlərin əməkdaşları cəlb olunub.
