Azərbaycanda müxtəlif dinlərə və etnik qruplara mənsub insanlar uzun illər ərzində sülh və qarşılıqlı hörmət şəraitində yaşayıblar.
Elpress.az xəbər verir ki, bunu mədəniyyət nazirinin müavini Fərid Cəfərov VII Ümumdünya Mədəniyyətlərarası Dialoq Forumuna həsr olunmuş mətbuat konfransında bildirib.
Nazir müavininin sözlərinə görə, forum çərçivəsində Azərbaycanın müharibədən sonrakı təcrübəsinə həsr olunan panel müzakirəsi də keçiriləcək.
Fərid Cəfərov qeyd edib ki, Azərbaycanın həm multikulturalizm, həm də mədəniyyətlərarası inkişaf sahəsində böyük təcrübəsi var. O vurğulayıb ki, bu təcrübə uzun illər ərzində formalaşıb və ölkənin keçdiyi mürəkkəb tarixi proseslərlə də bağlıdır.
Nazir müavini bildirib ki, forumda keçiriləcək panel müzakirələrindən biri Azərbaycanın bu sahədəki təcrübəsinə həsr olunacaq. Məqsəd ölkənin əldə etdiyi təcrübəni beynəlxalq ictimaiyyətlə bölüşməkdir.
