Elpress.az xəbər verir ki, qlobal fond bazarlarında həftənin son ticarət sessiyasında əsas indekslər üzrə müsbət dinamika müşahidə olunub.
ABŞ bazarlarında Dow Jones 1,18 faiz artaraq 53 686,11 bəndə, S&P 500 1,06 faiz yüksələrək 7 747,71 bəndə çatıb. Nasdaq Composite isə 1,40 faiz artımla 26 584,06 bənd səviyyəsinə yüksəlib.Şimali Amerika bazarlarında Kanadanın S&P/TSX Composite indeksi də 1,50 faiz artıb. Avropada isə FTSE 100 0,70 faiz, Almaniyanın DAX indeksi 0,63 faiz, İspaniyanın IBEX 35 göstəricisi 1,12 faiz yüksəlib. Euro Stoxx 50 0,32 faiz, Fransanın CAC 40 indeksi isə 0,07 faiz artıb.Asiya-Sakit okean regionunda da əsasən müsbət dinamika qeydə alınıb. Nikkei 225 1,07 faiz, Hang Seng 2,06 faiz, Çinin CSI 300 indeksi isə 0,43 faiz yüksəlib. Bununla yanaşı, Yaponiyanın TOPIX və Avstraliyanın S&P/ASX 200 indekslərində cüzi geriləmə olub.Analitiklər qlobal bazarlardakı artımı əsasən ABŞ Federal Ehtiyat Sisteminin faiz siyasəti ilə bağlı gözləntilərlə əlaqələndirirlər. FED rəsmisi Kristofer Uollerin faiz dərəcəsinin dəyişdirilmədən saxlanılmasını dəstəkləyə biləcəyinə dair açıqlamasından sonra sentyabr ayında faiz artımı ehtimalının 63 faizdən 50 faizə düşdüyü bildirilir.Faiz artımı ilə bağlı gözləntilərin zəifləməsi ABŞ dövlət istiqrazlarının gəlirliliyinin də aşağı düşməsinə səbəb olub.
