Dünya bazarında Azərbaycan neftinin qiymətində artım qeydə alınıb. “Azeri Light” markalı neftin bir bareli əvvəlki göstərici ilə müqayisədə 2,26 dollar bahalaşaraq 118,53 dollara çatıb.
Elpress.az xəbər verir ki, neft bazarındakı mənbənin məlumatına görə, qiymət artımı 1,95 faiz təşkil edib.
Türkiyənin Ceyhan limanında FOB bazasında satılan “Azeri Light” neftinin bir bareli isə 2,25 dollar və ya 2,13 faiz bahalaşaraq 107,67 dollara yüksəlib. Hərraclarda “Brent” markalı neftin dekabr fyuçersləri 117,61 dollar səviyyəsində olub.
Qeyd edək ki, Azərbaycanın 2026-cı il dövlət büdcəsində neftin bir bareli üçün orta qiymət 65 dollar götürülüb.
“Azeri Light” nefti “Azəri-Çıraq-Günəşli” yataqlar blokunda hasil edilir. Bu yataqların işlənməsi üzrə müqavilədə SOCAR-ın payı 35,3 faizdir.
Markanın tarixi minimum qiyməti 2020-ci il aprelin 21-də 15,81 dollar, maksimumu isə 2008-ci ilin iyulunda 149,66 dollar olub.
