Əbu-Dabi İranın kommersiya gəmisinə zərbə endirməsini pisləyərək hücumların dayandırılmasına çağırıb
Elpress.az xəbər verir ki, Birləşmiş Ərəb Əmirlikləri İranın Hörmüz boğazında Əbu-Dabi Milli Neft Şirkətinə məxsus gəmini hədəfə almasını kəskin şəkildə pisləyib.BƏƏ Xarici İşlər Nazirliyinin yaydığı bəyanatda qeyd olunub ki, hadisə BMT Təhlükəsizlik Şurasının 2817 saylı qətnaməsinin açıq şəkildə pozulmasıdır.Nazirlik İranın İslam İnqilabı Keşikçiləri Korpusunun kommersiya gəmilərinə qarşı hücumlarını və Hörmüz boğazından iqtisadi təzyiq və hədə-qorxu vasitəsi kimi istifadəsini qəbuledilməz hesab edib. Bəyanatda bu cür əməllərin dəniz piratçılığı xarakteri daşıdığı bildirilib.BƏƏ Tehranı hücumları dayandırmağa və beynəlxalq gəmiçilik üçün strateji əhəmiyyət daşıyan Hörmüz boğazını heç bir şərt irəli sürmədən açıq saxlamağa çağırıb.
