Hindistanın müxtəlif ştatlarında baş verən güclü yağış və fırtına nəticəsində ən azı 28 nəfərin öldüyü bildirilib.
elpress.az-ın məlumatına əsasən, Hindistanın müxtəlif ştatlarında baş verən güclü yağışlar və fırtına nəticəsində azı 28 nəfərin həyatını itirdiyi bildirilib.“Hindustan Times”ın yaydığı məlumata əsasən, ən çox ölüm hadisəsi Uttar-Pradeş ştatında qeydə alınıb: ildırım düşməsi nəticəsində 2 nəfər, ev üzərinə ağac aşması ilə 3 nəfər, tikilməkdə olan körpünün çökməsi nəticəsində isə 6 nəfər ölüb.Qüvvətli fırtına bir çox heyvanın tələf olmasına və bəzi binaların zədələnməsinə səbəb olub.Qərbi Benqal və Bihar ştatlarında isə güclü külək və ildırım nəticəsində hər ştatda 7 nəfər olmaqla ümumilikdə 14 nəfərin öldüyü qeyd edilir.Madhya-Pradeşdə şiddətli yağışlar 3 nəfərin ölümünə, 2 nəfərin isə yaralanmasına gətirib çıxarıb.Meteoroloqlar ölkənin şimal bölgələrinin bir hissəsində əlverişsiz hava şəraitinin davam edə biləcəyi barədə xəbərdarlıq ediblər.
