Aysel Əlibəyli
10 Sentyabr 2026 · 15:07
1074 baxış
Türkiyə COP31 nümayəndələri üçün xüsusi viza rejimi tətbiq edəcək
Elpress.az xəbər verir ki, COP31-də iştirak edəcək nümayəndələr üçün Türkiyədə viza prosedurlarının sadələşdirilməsi nəzərdə tutulur.Bildirilib ki, konfransda iştirak edən bütün tərəflər xüsusi viza imkanından yararlana biləcəklər. Müraciət prosesi Katibliyin qeydiyyatı təsdiqləyən elektron məktubunda təqdim olunacaq keçid vasitəsilə, həmçinin Türkiyənin xaricdə fəaliyyət göstərən diplomatik nümayəndəlikləri üzərindən həyata keçirilə biləcək.Müvafiq onlayn müraciət keçidinin gələn həftədən etibarən COP31-in rəsmi veb-səhifəsində istifadəyə veriləcəyi bildirilib.
