Kanadada yerli icma öz razılıq hüququnun müdafiəsi məqsədilə hökumətə qarşı məhkəməyə müraciət edib.
Elpress.az -ın apa-a istinadən xəbər verir ki, bu fikirlər WUF13 çərçivəsində təşkil olunan “Aborigen xalqların hüquqları: Müxtəliflik şəraitində bütün aborigen xalqlar üçün uyğun mənzil” adlı sessiyada Hayda xalqının təmsilçisi Penny Kerrigan tərəfindən səsləndirilib.O bildirib ki, aborigen xalqlar üçün mənzil məsələsi təkcə sosial proqram və ya infrastrukturla məhdudlaşmır. Bu mövzu həm də torpaq hüquqları, mədəniyyətin qorunması, idarəçilik və öz müqəddəratını müəyyən etmə hüququ ilə birbaşa əlaqəlidir.Penny Kerriganın sözlərinə görə, mənzil hüquqlarının tam təmin olunması üçün torpaq hüquqlarının tanınması, əvvəlcədən məlumatlandırılmış razılıq prinsipi və yerli icmaların qərarvermə prosesində iştirakı əsas şərtlərdəndir.O vurğulayıb ki, Hayda xalqı bu hüquqların tanınması məqsədilə hökumətə qarşı məhkəmə iddiası qaldırıb və nəticədə yerli icmaların əvvəlcədən məlumatlandırılmış razılıq hüququnun müdafiəsinə nail olunub.Kerrigan əlavə edib ki, aborigen xalqların mənzil problemi yalnız sosial təminat məsələsi kimi deyil, eyni zamanda hüquq və torpaq məsələsi kimi qiymətləndirilməlidir.
