Aysel Əlibəyli
29 Oktyabr 2026 · 16:09
1020 baxış
Azərbaycanın xarici işlər naziri Ceyhun Bayramov Türk Dövlətləri Təşkilatının (TDT) Xarici İşlər Nazirləri Şurasının 13-cü iclasında iştirak etmək üçün Türkiyəyə səfər edib.
Elpress.az xəbər verir ki, nazir Ankarada türkiyəli həmkarı Hakan Fidan tərəfindən qarşılanıb. İclas oktyabrın 29-da TDT-nin 13-cü Zirvə toplantısı çərçivəsində keçirilir.
Səfər çərçivəsində Ceyhun Bayramovla Hakan Fidan arasında ikitərəfli görüş də keçirilib. Tərəflər Azərbaycan-Türkiyə əlaqələrinin inkişaf perspektivlərini müzakirə ediblər.
TDT-nin Ankara sammiti oktyabrın 29–30-na planlaşdırılıb. Xarici işlər nazirlərinin görüşü təşkilata üzv və müşahidəçi ölkələr arasında əməkdaşlıq gündəliyinin müzakirəsi baxımından əhəmiyyət daşıyır.
