Zaporojye Atom Elektrik Stansiyası bir həftədən çoxdur xarici enerji təchizatından məhrumdur
Elpress.az xəbər verir ki, Ukraynadakı Zaporojye Atom Elektrik Stansiyasında enerji təchizatı ilə bağlı vəziyyət narahatlıq doğurur.Beynəlxalq Atom Enerjisi Agentliyinin məlumatına görə, AES artıq bir həftədən çoxdur xarici elektrik enerjisi təminatından məhrumdur və stansiyanın fəaliyyəti fövqəladə dizel generatorları hesabına davam etdirilir.Hazırda stansiyanın altı fəaliyyətsiz reaktorunun soyudulması üçün elektrik enerjisinə ehtiyac var. Mövcud dizel yanacağı ehtiyatının isə təxminən 10 gün üçün kifayət etdiyi bildirilir.Məlumata görə, son altı ay ərzində stansiyadan kənarda yerləşən yanacaq anbarına dizel yanacağı tədarük edilməyib. Bununla yanaşı, cümə axşamı və cümə günü AES-ə alternativ xarici mənbədən dizel yanacağı çatdırılıb.Beynəlxalq Atom Enerjisi Agentliyi qeyd edir ki, stansiyanın xarici enerji təchizatını itirdiyi şəraitdə dizel yanacağının mövcudluğu reaktorların təhlükəsizliyinin təmin olunması baxımından mühüm əhəmiyyət daşıyır.
