Kreml Böyük Britaniya və Avropa İttifaqının Rusiyaya qarşı irəli sürdüyü kiberhücum ittihamlarını əsassız adlandırıb.
Elpress.az xəbər verir ki, Kremlin mətbuat katibi Dmitri Peskov bildirib ki, Rusiya Böyük Britaniya və Avropa İttifaqının kiberhücumlarla bağlı iddialarını qəbul etmir.Onun sözlərinə görə, Moskva uzun illərdir heç bir sübut təqdim olunmadan müxtəlif məsələlərdə ittiham edilir. Peskov vurğulayıb ki, Rusiyaya qarşı səsləndirilən bu iddialar əsassızdır və onları təsdiqləyən heç bir dəlil ortaya qoyulmayıb.Kreml sözçüsü həmçinin Rusiyaya qarşı tətbiq edilən sanksiyaların qanunsuz olduğunu bildirib. O qeyd edib ki, ölkə minlərlə sanksiyanın yaratdığı təsirlərə uyğunlaşmağı və onların mənfi nəticələrini minimuma endirməyi bacarıb.Qeyd edək ki, iyulun 13-də Böyük Britaniya və Avropa İttifaqı Rusiyaya qarşı yeni sanksiyalar elan edib. Rusiya ötən il Avropada xaos yaratmaq məqsədilə kiberhücumlar təşkil etməkdə ittiham olunur.
