Mədəniyyət Nazirliyinin Aparat rəhbəri Mustafa Abbasbəyli tutduğu vəzifədən azad edilib.
Elpress.az xəbər verir ki, Abbasbəyli Nazirliyin Aparatında başqa vəzifəyə keçirilib.Məlumata görə, Mədəniyyət Nazirliyində strukturun təkmilləşdirilməsi və kadr dəyişiklikləri ilə bağlı proseslər davam edir. Nazirlikdən bildirilib ki, dəyişikliklərlə bağlı proses başa çatdıqdan sonra ictimaiyyətə əlavə məlumat veriləcək.
Qeyd edək ki, Mustafa Abbasbəyli 2024-cü ilin may ayında Mədəniyyət Nazirliyinin Aparat rəhbəri təyin olunmuşdu. Bundan əvvəl o, 2019-2020-ci illərdə əmək və əhalinin sosial müdafiəsi nazirinin müşaviri, 2020-2024-cü illərdə isə Dövlət Məşğulluq Agentliyinin İdarə Heyətinin sədri vəzifəsində çalışıb.
Mustafa Abbasbəyli iqtisadiyyat nazirinin müşaviri Məmməd Abbasbəylinin qardaşıdır.
