Avqustun 20-də Azərbaycanın bir sıra ərazilərində elektrik enerjisinin verilişində müvəqqəti məhdudiyyət tətbiq olunacaq.
Elpress.az xəbər verir ki, “Azərişıq” ASC-dən verilən məlumata görə, fasilələr elektrik şəbəkələrində aparılacaq təmir və yenidənqurma işləri ilə əlaqədar olacaq.
Belə ki, Yevlax şəhərində saat 09:00-dan 12:00-dək Nəriman Nərimanov, Həsən bəy Zərdabi, Yeni Yevlax, Qanboy Quliyev, Mirzə Ələkbər Sabir və Səməd Vurğun küçələrinin bir hissəsində elektrik enerjisinin verilməsi dayandırılacaq.
Tərtər rayonunun Qazyan Qapanlı və Qaynaq kəndlərinin bəzi ərazilərində saat 10:00-dan 14:00-dək fasilə yaranacaq.
Ağdaş rayonunda Bulaqotağı, Ərəb, Hüşün, Kükəl, Qarağan Sədi, Qarağan Şıxlar və Yuxarı Qəsil kəndlərinin bir hissəsində də saat 10:00-14:00 aralığında elektrik enerjisi olmayacaq.
Göyçay rayonunun Qaraxıdır, Qaraman, Lək, Mırtı, Şəkər, Veysəlli və Yalman kəndlərinin bəzi ərazilərində isə məhdudiyyət saat 10:00-dan 15:00-dək davam edəcək.
Paytaxtın Yasamal rayonunda da təmir işləri aparılacaq. Bu səbəbdən saat 10:00-dan 13:00-dək Əsəd Əhmədov, Zahid Xəlilov, Mətbuat, Əbdürrəhim bəy Haqverdiyev, Şəfayət Mehdiyev və Akim Abbasov küçələrinin bir hissəsində elektrik enerjisinin verilişində fasilə olacaq.
“Azərişıq”ın məlumatına görə, işlər başa çatdıqdan sonra qeyd olunan ərazilərin elektrik təchizatının daha keyfiyyətli və dayanıqlı olması təmin ediləcək.
