Ermənistanda yeni Konstitusiyanın hazırlanması prosesi davam edir.
Elpress.az xəbər verir ki, 2026-2031-ci illər üzrə hökumət proqramının layihəsində yeni Konstitusiya layihəsinin yekunlaşdırılaraq ictimai və peşəkar müzakirəyə təqdim ediləcəyi bildirilib.
Sənəddə qeyd olunub ki, yeni Konstitusiya yalnız hüquqi sənəd deyil, həm də Ermənistan xalqının dövlətin gələcəyi, daxili və xarici münasibətlərin əsas prinsipləri ilə bağlı ümumi siyasi razılığını əks etdirməlidir.
Layihənin qanunun aliliyinə əsaslanan dövlət quruculuğuna, demokratiyanın və ictimai etimadın möhkəmləndirilməsinə, həmçinin ölkənin uzunmüddətli inkişafına xidmət etməsi nəzərdə tutulur.
Bildirilir ki, sənəd yekunlaşdırıldıqdan sonra ictimai və peşəkar müzakirəyə təqdim olunacaq. Daha sonra onun referendum üçün təqdim edilməsi istiqamətində müvafiq addımlar atılacaq.
Qeyd edək ki, məsələ avqustun 20-də keçiriləcək iclasın gündəliyinə daxil edilib.
