Media-tur çərçivəsində jurnalistlər “Channel 12”nin xəbər istehsalı prosesi ilə tanış olublar
Elpress.az xəbər verir ki, İsraildə keçirilən media-turda iştirak edən azərbaycanlı jurnalistlər ölkənin aparıcı kommersiya xəbər kanallarından biri olan “Channel 12”nin fəaliyyəti ilə tanış olublar.Səfər zamanı jurnalistlər kanalın əsas xəbər redaksiyasına və televiziya proqramlarının hazırlandığı studiyalara baş çəkiblər. Onlara redaksiyanın gündəlik iş prinsipləri, xəbərlərin hazırlanması, redaktəsi və efirə təqdim olunması mərhələləri barədə məlumat verilib.Azərbaycanlı media nümayəndələri həmçinin İsraildə geniş auditoriyaya təqdim olunan əsas axşam xəbər buraxılışının hazırlandığı studiyanı ziyarət ediblər.Görüşlər zamanı “Channel 12”nin xəbər istehsalı təcrübəsi, böyük redaksiyanın fəaliyyəti, operativ məlumatların hazırlanması və müasir televiziya texnologiyalarından istifadə imkanları müzakirə olunub.
