Elpress.az xəbər verir ki, Yeni Azərbaycan Partiyası (YAP) Xəzər rayon təşkilatının təsis edilməsinin 33-cü ildönümü münasibətilə tədbir keçirilib.
Tədbirdə çıxış edənlər bildiriblər ki, Prezident İlham Əliyevin rəhbərliyi ilə Azərbaycanın dayanıqlı inkişafı, dövlət quruculuğu və əldə olunan uğurlar ölkədə həyata keçirilən məqsədyönlü siyasətin nəticəsidir.
Vurğulanıb ki, ölkənin qazandığı nailiyyətlər dövlət başçısının strateji baxışının və uzaqgörən idarəçiliyinin göstəricisidir.
Çıxışlardan sonra Yeni Azərbaycan Partiyasının sıralarına yeni qəbul olunmuş üzvlərə üzvlük vəsiqələri təqdim edilib. Həmçinin rayonun ictimai-siyasi həyatında fəallığı ilə seçilən bir qrup şəxs fəxri fərmanlarla təltif olunub.
Rəsmi hissənin ardından respublikanın tanınmış incəsənət xadimlərinin iştirakı ilə konsert proqramı təqdim edilib.
Tədbir Yeni Azərbaycan Partiyasının Himninin səsləndirilməsi ilə başa çatıb.
