Aysel Əlibəyli
21 İyul 2026 · 12:58
1096 baxış
Elpress.az xəbər verir ki, bu ilin ilk altı ayında Azərbaycan Gürcüstandan 82,8 milyon ABŞ dolları dəyərində 2 456 ədəd minik avtomobili idxal edib.
Gürcüstanın Milli Statistika İdarəsinin məlumatına görə, ötən ilin eyni dövrü ilə müqayisədə Azərbaycana avtomobil idxalının dəyəri 35,6 faiz, sayı isə 1,8 dəfə azalıb.Yanvar–iyun aylarında Gürcüstandan ümumilikdə 938 milyon ABŞ dolları dəyərində 38 759 ədəd minik avtomobili ixrac olunub. Bu ixracın 6,34 faizi Azərbaycanın payına düşüb.
Hesabat dövründə Azərbaycan Gürcüstandan ən çox avtomobil idxal edən ölkələr arasında beşinci yerdə qərarlaşıb. Siyahıya Qazaxıstan (13 068 ədəd), Qırğızıstan (10 701 ədəd), İran (5 086 ədəd) və Tacikistan (2 966 ədəd) başçılıq edib.
