Azərbaycan Prezidenti İlham Əliyev Qırğız Respublikasının Prezidenti Sadır Japarova ölkəsinin müstəqilliyinin 35-ci ildönümü münasibətilə təbrik məktubu göndərib.
Elpress.az xəbər verir ki, dövlət başçısı məktubunda Sadır Japarova və qardaş Qırğızıstan xalqına Azərbaycan xalqı adından ən səmimi təbriklərini çatdırıb.Prezident İlham Əliyev Qırğızıstanın Sadır Japarovun rəhbərliyi ilə dövlətçiliyin möhkəmləndirilməsi, sosial-iqtisadi inkişaf və genişmiqyaslı quruculuq sahələrində mühüm uğurlar əldə etdiyini vurğulayıb.Dövlət başçısı Azərbaycan-Qırğızıstan münasibətlərinin dostluq və qardaşlıq əsasında inkişaf edərək müttəfiqlik səviyyəsinə yüksəlməsindən məmnunluğunu ifadə edib.İlham Əliyev son dövlət səfərinin iki ölkə arasında əməkdaşlığın geniş gündəliyini və qarşılıqlı tərəfdaşlıq əzmini bir daha nümayiş etdirdiyini qeyd edib.Prezident əminliyini bildirib ki, Azərbaycan-Qırğızıstan əlaqələri bundan sonra da yüksələn xətt üzrə inkişaf edəcək.Məktubun sonunda Sadır Japarova möhkəm cansağlığı, xoşbəxtlik və dövlət fəaliyyətində uğurlar, Qırğızıstana isə əmin-amanlıq və firavanlıq arzulanıb.
