Aysel Əlibəyli
11 Avqust 2026 · 10:54
1022 baxış
Elpress.az xəbər verir ki, Azərbaycan Respublikası ilə Ukrayna arasında səhiyyə və tibb elmi sahəsində əməkdaşlıq haqqında Saziş təsdiqlənib.Bununla bağlı Azərbaycan Respublikasının Prezidenti İlham Əliyev Fərman imzalayıb.
Fərmana əsasən, Saziş qüvvəyə mindikdən sonra Azərbaycan Respublikasının Səhiyyə Nazirliyi sənəddə nəzərdə tutulan müddəaların həyata keçirilməsini təmin etməlidir.Sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə isə Azərbaycan Respublikasının Xarici İşlər Nazirliyi Ukrayna Hökumətinə bildiriş göndərməlidir.
Qeyd edək ki, Azərbaycan və Ukrayna arasında səhiyyə və tibb elmi sahəsində əməkdaşlıq haqqında Saziş 2025-ci il noyabrın 1-də Bakı şəhərində imzalanıb.
