Kəşfiyyat bir sıra texnika və radiolokasiya sistemlərinin məhv edildiyini bildirib
Elpress.az xəbər verir ki, Ukrayna Müdafiə Nazirliyinin Baş Kəşfiyyat İdarəsi Krımda Rusiya qüvvələrinin hərbi infrastrukturuna qarşı əməliyyat keçirildiyini açıqlayıb.Məlumata görə, əməliyyat zamanı Şimali Krım kanalından keçən dəmir yolu körpüsü, L-39 “Albatros” təlim-döyüş təyyarəsi, həmçinin BK-10, BK-16 və “Manqust” katerləri məhv edilib.Ukrayna tərəfi həmçinin “Nebo-U” və “Kasta-2E” radiolokasiya stansiyalarının, eləcə də P-18 “Terek” radiolokasiya sisteminin komanda məntəqəsinin vurulduğunu bildirib.Bundan əlavə, rabitə, radioelektron mübarizə və radioelektron kəşfiyyat sistemləri, həmçinin MESH-retranslyatorlarının yerləşdiyi 9 qüllənin də zərərsizləşdirildiyi qeyd olunub.
