General xüsusi hərbi əməliyyat iştirakçılarına dəstək üzrə yeni struktur bölməyə rəhbərlik edəcək
Elpress.az xəbər verir ki, Rusiyanın general-polkovniki Aleksandr Lapin Tatarıstanın Baş nazirinin müavini vəzifəsinə təyin olunub.Təyinat barədə Tatarıstan Respublikasının rəhbəri Rüstəm Minnixanov Dövlət Şurasına illik müraciəti zamanı məlumat verib.Minnixanov bildirib ki, xüsusi hərbi əməliyyat iştirakçılarına dəstək göstərilməsi məqsədilə hökumətin strukturunda ayrıca bölmə yaradılıb. Lapin həmin bölməyə Baş nazirin müavini statusunda rəhbərlik edəcək.Aleksandr Lapin 2024-cü ilin yazından etibarən Rusiyanın Kursk, Belqorod və Bryansk vilayətlərinin müdafiəsinə cavabdeh olan Şimal Qoşun Qruplaşmasına komandanlıq edib.Ukrayna Silahlı Qüvvələrinin 2024-cü ildə Kursk vilayətinin bir hissəsinə daxil olduğu dövrdə Lapin həmin qoşun qruplaşmasının komandiri olub.General-polkovnik 2025-ci ilin sentyabrında hərbi xidmətdən tərxis edilib.
