Teymur Məmmədovun yerinə hələlik yeni təyinat həyata keçirilməyib
Elpress.az xəbər verir ki, “İpək Yolu Sığorta” ASC-nin Direktorlar Şurasının sədri Teymur Məmmədov şirkətdəki vəzifəsini tərk edib.Məlumata görə, hazırda onun yerinə yeni şəxs təyin olunmayıb.Teymur Məmmədov 2019-cu ilin fevralından “İpək Yolu Sığorta” ASC-nin Direktorlar Şurasının sədri vəzifəsini icra edib. O, bu postda Zaur Axundovu əvəzləyib.1995-ci ildə təsis edilən şirkətin nizamnamə kapitalı 14,77 milyon manat təşkil edir. Səhmlərin 96,53 faizi “ASG Business Aviation” MMC-yə, 3,47 faizi isə “Azərbaycan Hava Yolları” QSC-yə məxsusdur.


