Azərbaycan Xarici İşlər Nazirliyi İsrail hökumətinin qondarma “erməni soyqırımı” ilə bağlı qəbul etdiyi qərara münasibət bildirib.
Elpress.az xəbər verir ki, XİN-in yaydığı şərhdə qeyd olunub ki, 1915-ci il hadisələri ilə bağlı tarixi həqiqətlərin təhrif edilməsi və mürəkkəb tarixi proseslərin hüquqi və elmi əsaslardan kənar şəkildə siyasi qərar predmetinə çevrilməsi qəbuledilməzdir.
Bəyanatda vurğulanıb ki, bu cür addımlar xalqlar arasında barışığa və qarşılıqlı anlaşmaya xidmət etmir, əksinə, mövcud fikir ayrılıqlarını daha da dərinləşdirərək regionda davamlı sülh və əməkdaşlıq səylərinə mənfi təsir göstərir.
Azərbaycan Xarici İşlər Nazirliyi İsrail hökumətini qəbul etdiyi qərarı yenidən nəzərdən keçirməyə çağırıb.
“Azərbaycan tarixi həqiqətlərin müdafiəsi, beynəlxalq hüququn fundamental prinsiplərinə hörmət və regionda uzunmüddətli sülhün təşviqi istiqamətində ardıcıl mövqeyini bundan sonra da davam etdirəcək”, – deyə bəyanatda bildirilib.
