Aysel Əlibəyli
15 İyul 2026 · 18:27
1044 baxış
Peter Pelleqrininin Azərbaycana rəsmi səfəri başa çatdı, hava limanında rəsmi yola salınma mərasimi keçirildi
Elpress.az xəbər verir ki, Slovakiya Respublikasının Prezidenti Peter Pelleqrininin Azərbaycan Respublikasına həyata keçirdiyi rəsmi səfər iyulun 15-də yekunlaşıb. Səfərin başa çatması münasibətilə Heydər Əliyev Beynəlxalq Aeroportunda ali qonağın şərəfinə rəsmi yola salınma mərasimi təşkil olunub.Mərasim zamanı Azərbaycan və Slovakiyanın dövlət bayraqları dalğalandırılıb, həmçinin Prezident Peter Pelleqrininin şərəfinə fəxri qarovul dəstəsi düzülüb.Slovakiya Prezidentini hava limanında Azərbaycanın Baş nazirinin birinci müavini Yaqub Eyyubov, xarici işlər nazirinin müavini Elnur Məmmədov və digər rəsmi şəxslər yola salıblar.
