Cavad Mircavadovun qeyri-adi həyat yolu: 15 yaşında başlayan rəssamlıq macərası
Elpress.az-ın Kulis.az-a istinadən verdiyi məlumata əsasən, Azərbaycan təsviri sənətinin görkəmli nümayəndələrindən biri olan Cavad Mircavadovun həyat və yaradıcılığı yenidən diqqət mərkəzinə gəlib.Rəssamın anım günü ilə əlaqədar onun maraqlı həyat yolundan bəhs edən yazı təqdim olunub. Cavad Mircavadov hələ yeniyetmə yaşlarından sənətə böyük maraq göstərib və istedadı ilə seçilib.O, 15 yaşında olarkən “Azərbaycan” kinoteatrında afişaçəkən rəssam Zarubinin yanında çalışmağa başlayıb. Gənc rəssam qısa müddət ərzində bacarığı və yaradıcılığı ilə özünü göstərərək ustasının rəğbətini qazanıb.Bir müddət sonra kinoteatrın baş rəssamı afişa işlərinin hazırlanmasını tamamilə Cavada həvalə edib. Beləliklə, “Azərbaycan” kinoteatrının afişaları gənc rəssamın fırçasından çıxmağa başlayıb.Cavad Mircavadov sonralar Azərbaycan rəssamlığında özünəməxsus üslubu, fərqli düşüncə tərzi və yaradıcılıq axtarışları ilə tanınan sənətkarlardan birinə çevrilib. Onun həyat yolu həm istedadın, həm də sənətə bağlılığın nümunəsi kimi qiymətləndirilir.
