Aysel Əlibəyli
05 Sentyabr 2026 · 11:21
1016 baxış
Azərbaycan ərazisindən keçməklə Ermənistana buğda, gübrə və taxta tədarük olunacaq
Elpress.az xəbər verir ki, Rusiyadan Ermənistana Azərbaycandan tranzit keçməklə daha bir yük partiyasının göndərilməsi planlaşdırılır.Sentyabrın 5-də Böyük Kəsik istiqamətinə ümumilikdə 10 vaqondan ibarət üç ayrı yük partiyasının yola salınması nəzərdə tutulur. Yüklər arasında 5 vaqonda 355 ton buğda, 3 vaqonda 180 ton gübrə və 2 vaqonda 138 ton taxta olacaq.Beləliklə, sözügedən yüklər Azərbaycan ərazisindən tranzit keçməklə Rusiyadan Ermənistana çatdırılacaq.İndiyədək bu marşrut üzrə Ermənistana Rusiyadan təxminən 60 min ton taxıl, 9 min ton gübrə, 1414 ton propan, 133 ton alüminium, 1114 ton kömür və 334 ton taxta göndərilib.
