Elpress.az xəbər verir ki, Avropa Yenidənqurma və İnkişaf Bankının (EBRD) Azərbaycandakı cari kredit portfelinin həcmi iyulun 31-nə 888 milyon avro təşkil edib.
Bu göstərici iyunun 30-u ilə müqayisədə 4 milyon avro və ya 0,45% azdır. Hazırda bankın Azərbaycanda 35 aktiv layihəsi var və portfelin 41%-i özəl sektorun payına düşür.Mövcud kredit portfelinin 794 milyon avro və ya 89%-i dayanıqlı infrastruktur layihələrinə yönəlib. Maliyyə institutlarının payı 64 milyon avro (7%), korporativ sektorun payı isə 30 milyon avro (3%) təşkil edib.EBRD indiyədək Azərbaycanda 202 layihəyə ümumilikdə 3,728 milyard avro investisiya yatırıb.Bankın Azərbaycandakı əməliyyat aktivlərinin dəyəri isə iyulun 31-nə 715 milyon avro olub. Bu məbləğ aylıq müqayisədə 6 milyon avro və ya 0,83% azalıb.2025-ci il ərzində EBRD Azərbaycanda 10 layihəyə 81 milyon avro maliyyə ayırıb.
