Oktyabrın 19-da xarici universitetlərdə təhsil almış azərbaycanlı gənclər üçün təşkil edilən karyera sərgisində Diasporla İş üzrə Dövlət Komitəsi də iştirak edib.
Elpress.az xəbər verir ki, tədbir Elm və Təhsil Nazirliyinin nəzdində Dövlət Proqramı İdarəetmə Qrupu ilə Dövlət Məşğulluq Agentliyinin birgə təşkilatçılığı ilə keçirilib.
Sərginin əsas məqsədi xaricdə təhsil almış məzunların dövlət qurumları və müxtəlif təşkilatlarla əlaqələrini gücləndirmək, onların bilik və bacarıqlarından ölkənin inkişafında yararlanmaq, eləcə də əmək bazarına inteqrasiyasına dəstək vermək olub.
Tədbir çərçivəsində gənclərə Diasporla İş üzrə Dövlət Komitəsinin fəaliyyəti, xaricdəki Azərbaycan icmaları ilə əməkdaşlıq istiqamətləri və həyata keçirilən layihələr barədə məlumat verilib. Komitədə mümkün iş və əməkdaşlıq imkanları da təqdim olunub, iştirakçıların sualları cavablandırılıb.
