Türkiyəli müğənnilər Demet Akalın və Hülya Avşar arasında mirasın bölüşdürülməsi ilə bağlı fikir ayrılığı yaranıb.
Elpress.az xəbər verir ki, müzakirələr Hülya Avşarın varlı şəxslərin əmlaklarını sağlıqlarında ailə üzvləri arasında bölüşdürmələrinin vacibliyi barədə açıqlamasından sonra başlayıb.
Avşar bildirib ki, böyük sərvətə sahib insanlar miras məsələsini əvvəlcədən həll etməli, ailə üzvlərinin hüquqlarını nəzərə almalı və bölgünü hüquqi qaydada rəsmiləşdirməlidirlər. Onun fikrincə, əmlakın kimə nə qədər çatacağının əvvəlcədən müəyyənləşdirilməsi gələcəkdə ailədaxili mübahisələrin qarşısını ala bilər.
Demet Akalın isə bu yanaşma ilə razılaşmayıb. O, sosial şəbəkədə açıqlamanın yayımlandığı videoya münasibət bildirərək insanın öz əmlakı ilə bağlı qərarı sağlığında sərbəst verməli olduğunu vurğulayıb.
İki sənətçinin fərqli mövqeyi Türkiyə maqazin gündəmində müzakirələrə yol açıb.
