Mərkəzi Bank sığorta xidmətlərinə çıxışın genişləndirilməsi məsələsini müzakirə edib
Elpress.az xəbər verir ki, Azərbaycan Mərkəzi Bankında ölkənin sığorta bazarının inkişaf perspektivlərinə dair görüş keçirilib.Mərkəzi Bankın sədri Taleh Kazımov sığorta şirkətlərinin rəhbərləri ilə görüşərək sektorun cari vəziyyətini və qarşıda duran əsas məsələləri müzakirə edib. Görüşdə 2026-cı ilin ilk altı ayı ərzində sığorta sektorunun fəaliyyət göstəriciləri, bazardakı əsas tendensiyalar və növbəti dövr üçün inkişaf imkanları nəzərdən keçirilib.Müzakirələr zamanı sığorta məhsullarının çeşidinin genişləndirilməsi, əhali və biznes nümayəndələrinin sığorta xidmətlərindən daha rahat yararlanması məsələləri də diqqət mərkəzində olub. Həmçinin maliyyə xidmətlərinin əlçatanlığının artırılmasına yönələn təşəbbüslər barədə fikir mübadiləsi aparılıb.
